tālakaṃ kaṇaśaḥ kṛtvā sacūrṇaṃ kāñjike kṣipet ⁄⁄
dolāyantreṇa yāmaikaṃ tataḥ kūṣmāṇḍajairdravaiḥ ⁄
tilataile pacedyāmaṃ yāmaṃ ca triphalājalaiḥ ⁄⁄
evaṃ yantre caturyāmaṃ pācyaṃ śudhyati tālakam ⁄

tālakaṃ poṭṭalīṃ baddhvā sacūrṇe kāñjike kṣipet ⁄
dolāyantreṇa yāmaikaṃ tataḥ kūṣmāṇḍaje rase ⁄⁄
tilataile pacedyāmaṃ yāmaṃ tattraiphale jale ⁄
dolāyantre caturyāmaṃ pakvaṃ śudhyati tālakam ⁄⁄

svinnaṃ kūṣmāṇḍatoye vā tilakṣārajale'pi vā ⁄
toye vā cūrṇasaṃyukte dolāyantreṇa śudhyati ⁄⁄

tālakaṃ poṭalībaddhaṃ saptāhaṃ kāñjike pacet ⁄
dolāyantreṇa yāmaikaṃ tataḥ kuṣmāṇḍajaiḥ rasaiḥ ⁄⁄
tilataile pacedyāmaṃ yāmaṃ ca triphalājalaiḥ ⁄
evaṃ yantre caturyāmaṃ pācyaṃ śudhyati tālakaḥ ⁄⁄

tālakaṃ kaṇaśaḥ kṛtvā daśāṃśena ca ṭaṅkaṇam ⁄
jambīrāṇāṃ dravaiḥ kṣālyaṃ kāñjikaiḥ kṣālayet punaḥ ⁄⁄
vastraiścaturguṇair baddhvā dolāyantre dinaṃ pacet ⁄
saṃyuktaṃ cāranālena dinaṃ kuṣmāṇḍajaiḥ rasaiḥ ⁄⁄
tilatailaiḥ pacedyāmaṃ yāmaṃ ca triphalājalaiḥ ⁄
trivāraṃ tālakaṃ bhāvyaṃ piṣṭvā mūtraiśca kāñjikaiḥ ⁄⁄
tatphalair daśabhir deyaṃ ruddhvā puṭaṃ ca peṣayet ⁄
evaṃ dvādaśadhā pācyaṃ śuddhaṃ yogeṣu yojayet ⁄⁄

tālakaṃ kaṇaśaḥ kṛtvā tālāt pādāṃśaṭaṅkaṇam ⁄⁄
dvayaṃ jambīrajair drāvaiḥ kṣālayetkāñjikaistathā ⁄
tacchuṣkaṃ poṭalībaddhaṃ sacūrṇe kāñjike pacet ⁄⁄
dvidinaṃ dolakāyantre tadvatkūṣmāṇḍajairdravaiḥ ⁄
pācitaṃ śuddhimāyāti tālaṃ sarvatra yojayet ⁄⁄

sacūrṇeṇāranālena dolāyantreṇa tālakam ⁄
dinaṃ pakvaṃ vicūrṇyātha bhāvyaṃ kūṣmāṇḍajairdravaiḥ ⁄⁄
śoṣyaṃ peṣyaṃ punarbhāvyaṃ śatavāraṃ viśuddhaye ⁄

godantī haritālāyās tāvat patrāṇi dāpaya ⁄
yāvanna syurdvidhā tāni dolāyantre kṣipettataḥ ⁄⁄
aśmacūrṇasya yā cāchibhṛtā sthālī tayā dṛḍhā ⁄
dolāyantre tathā kāryā vastraṃ bundhe lagenna hi ⁄⁄
tajjñena svedanīyāni yāmayugmaṃ haṭhāgninā ⁄
svedanasvedanasyānte jalena kṣālayettathā ⁄⁄
niḥsaranti yathā tebhyo nīlapītādikṛṣṇikāḥ ⁄
sadaivātapaśuṣkāṇi dolāyaṃtre parikṣipet ⁄⁄
yaṃtre yaṃtre punastāni svedyāni praharadvayam ⁄
luṇayuktyā tu nālena dvivelaṃ svedayettataḥ ⁄⁄
tato dugdhe gavādīnāṃ svedayettatkrameṇa ca ⁄
kuṣmāṇḍaṃ khaṇḍaśaḥ kṛtvā svedayettadrasena ca ⁄⁄
vartanīyāni sāhāyāṃ vaḍavāpyājvalānvitaḥ(?) ⁄
susūkṣmāścandanākārāḥ svedayettadrasena ca ⁄⁄
śodhanaiḥ pañcabhiḥ śuddhāḥ godaṃtī nirviṣībhavet ⁄
hṛdutkledamaśuddhyā sā ghūrmāraṃ ca karoti ca ⁄⁄

kuṣmāṇḍatoyasaṃsvinnaṃ tataḥ kṣārajalena vā ⁄
cūrṇatoyena vā svinnaṃ dolāyaṃtreṇa śudhyati ⁄⁄

tālakaṃ kaṇaśaḥ kṛtvā taccūrṇaṃ kāñjike pacet ⁄
dolāyantreṇa māsaikaṃ tataḥ kūṣmāṇḍajadravaiḥ ⁄⁄
tilataile pacedyāmaṃ yāmaṃ ca triphalājale ⁄
evaṃ yantre caturyāmaṃ pakvaṃ śudhyati tālakam ⁄⁄

kuṣmāṇḍe tu śataṃ vārān tālakaṃ svedayedbudhaḥ ⁄⁄

snigdhaṃ kūṣmāṇḍatoye vā tilakṣārajale api vā ⁄
toye vā cūrṇasaṃyukte dolāyantreṇa śudhyati ⁄⁄

śuddhaṃ syāttālakaṃ svinnaṃ kūṣmāṇḍasalile tataḥ ⁄
cūrṇodake pṛthaktaile tasminpūte na doṣakṛt ⁄⁄

madhutulye ghanībhūte kaṣāye brahmamūlaje ⁄
trivāraṃ tālakaṃ bhāvyaṃ piṣṭvā mūtre 'tha māhiṣe ⁄⁄
upalairdaśabhirdeyaṃ puṭaṃ ruddhvātha peṣayet ⁄
evaṃ dvādaśadhā pācyaṃ śuddhaṃ yogeṣu yojayet ⁄⁄

tālakaṃ kaṇaśaḥ kṛtvā daśāṃśena ca ṭaṅkaṇam ⁄
jambīrotthadravaiḥ kṣālyaṃ kāñjikaiḥ kṣālayettataḥ ⁄⁄
vastre caturguṇe baddhvā dolāyantre dinaṃ pacet ⁄
sacūrṇenāranālena dinaṃ kūṣmāṇḍaje rase ⁄
svedyaṃ vā śālmalītoyaistālakaṃ śuddhimāpnuyāt ⁄⁄

tālakaṃ poṭṭalīṃ baddhvā sacūrṇe kāṃjike pacet ⁄
dolāyantreṇa yāmaikaṃ tataḥ kūṣmāṇḍaje rase ⁄⁄
tilataile pacedyāmaṃ yāmaṃ tattraiphale jale ⁄
dolāyantre caturyāmaṃ pācyaṃ śudhyati tālakam ⁄⁄

tālakaṃ kaṇaśaḥ kṛtvā daśāṃśena ca ṭaṅkaṇam ⁄
jambīrotthair dravaiḥ kṣālyaṃ kāñjikaiḥ kṣālayetpunaḥ ⁄⁄
vastre caturguṇe baddhvā dolāyaṃtre dinaṃ pacet ⁄
saṃcūrṇya āranālena dinaṃ kūṣmāṇḍajai rasaiḥ ⁄
svedyaṃ vā śālmalītoyaistālakaṃ śuddhimāpnuyāt ⁄⁄